***
**
*
تتوه دروبنا وتبعد عن الغالي خطاوينا
وترسم ريشة الوحشه ملامح حب ذبلانه
نصارع وقتنا القاسي ونجامل من يواسينا
نقول بخير ومن داخل قلوب" صدق وجلانه
نبي نحبس حنين الشوق لو تكبر بلاوينا
عسى الأيام وإن طالت تروف بحال ولهانه
عسى غيمة سحاب الحب من الأفراح تسقينا
عساها تمطر القلبين برشة غيث عجلانه
وعسى فيض الشعور اللي يجمع مايخلينا
عساه بحالنا ينظر ويختم باللقا إعلانه
شريك الروح لاتنسى أمرك حيل يعنينا
وشانك عندنا عالي ونعلي دوم من شانه
حبيبي لو يموت الحب ونكتب له تعازينا
بداخل قلبي العاشق تلاقي قبر جثمانه
جمعته وبحذافيره لو الجمع يشقينا
لأجل أعطيه للغالي يضمه بين وجدانه
*
